تطبيقي لقلب اللوز باللبن بالشرح والخطوات المصورة

بسم الله الرحمان الرحيم

طبقت قلب اللوز باللبن للاخت ليليا وكانت النتيجة اكثر من رااااااائعة ربي يفرحها ويجازيها عنا كل خير
لذلك قلت نحط التطبيق مع الشرح والخطوات وهذا تلبية لطلب الاخوات


المقادير:

6كيلات دشيشة الخاصة بقلب اللوز
3كيلات سكر
كيلة زيت
كيلة لبن
رشة ملح
فاني
رشة خميرة كيميائية

الشاربات

6كيلات ماء
3 كيلات سكر
قطرات من عصير الليمون
فنجال صغير ماء الزهر


الطريقة:

بالنسبة للكيلة المستعملة تعتمد على الصينية لي راح نطيب فيها قلب اللوز يعني اذا كانت الصينية كبيرة نستعمل كيلة كبيرة واذا صغيرة نستعمل كيلة صغيرة

نكيل الدقيق ونحط في الصينية ونشوف للارتفاع اذا شفناه مرتفع بزاف نقص في الكيلة واذا هابط نستعمل كيلة اكبر

http://حراير بلادي



من بعد نحط الدقيق مع السكر والزيت ورشة الملح ورشة الخميرة الكيميائية وشوية فاني

http://حراير بلادي

ثم نضيف كيلة من اللبن انا استعملت نتاع القارورة

http://حراير بلادي

http://حراير بلادي

نخلط المقادير غير بالاصابع راح نتحصل على هذا الخليط

http://حراير بلادي
نضيف ماء الزهر غير بالشوية حتى يتكور في يدك يعني كي نحط كمية من الخليط في اليد ونحرك راح تتشكل عندي كويرة هذا يعني ان العجينة مليحة ماتحتاجش ماء زهر اضافي

http://حراير بلادي


نغطي الخليط ونخليه يرتاح لمدة نصف ساعة

في هذا الوقت نحضر الشاربات

نحط السكر والماء مع قطرات ليمون على نار متوسطة ونحسب 10د من بداية الغليان ونطفي عليه ونضيف ماء الزهر

من بعد نشعل الفرن من الاسفل على 200د
ناخذ الصينية وندهنها بالزبدة ونحط الخليط في الصينية بلا مانضغط عليه
بواسطة ظهر ملعقة نعدله ونسقمه
ناخذ سكين ونشكل خطوط غير من فوق ونرشق حبات لوز

http://حراير بلادي

ندخله للفرن ونخليه حوالي نصف ساعة المهم حتى نشوف الاطراف حمارت هنا نطفي من الاسفل ونشعل من فوق ونخليه حتى يتحمر ملييييح

من بعد نخرجه ونسقيه بالشربات مباشرة وهو سخون على مرة واحدة
http://حراير بلادي

نعاود نرجعه للفرن وهو سخون ونغطيه بصينية اخرى ونخلي فتحة حتى مايعرقش

من الاحسن نخليه يبات من بعد نقطعه لكن مانظنش تصبرو عليه هذا المدة خخخخ اذن على الاقل نخليوه 6 ساعات يتشرب مليح الشاربات وهذا شكله بعد ماطاب

http://حراير بلادي


هنا كنت عملتو بالدقيق نصف الغليط هايل لكن بالدشيشة احسن بكثير


http://حراير بلادي


هذو السنيوات عملتهم لخواتاتي ربي يحفظهم

http://حراير بلادي

http://حراير بلادي

http://حراير بلادي

شوفو كيفاه معسل وطري اممممم

http://حراير بلادي


http://حراير بلادي

نتمنى تجربوه خاصة ان شهر رمضان على الابواب

اللهم بلغنا رمضان



هذا الرابط

http://www.djelfa.info/vb/showthread...C7%E1%E1%C8%E4