تحوسي تخيطي كوات ادخلي .سطايفيه

حراير بلادي
السلام عليكم و رحمة الله و بركاته
ورشة اليوم مختلفه و باينه من العنوان
باش تخيطي الكوات اول حاجه لازم تحددي
لكان تاع بلاصه ولا زوج بلايص
المهم تاع زوج بلايص تحتاجي لاوات
زوج ميطرات ونص . خيري من لمليحه
خاطر لي راهم يتباعو خفاف غسله زوج ترق و تتفتت
هاذي شريتها 25نلف للمتر
حراير بلادي
و قماش خيري كيما بغيتي تحبي ديري كل وجه من زي
انا عندي لقماش من قبل و ما بغيتش نعرضها بزاف
(تقدري تقولي درت بلاصه و نصحراير بلادي)
حراير بلادي
هاذي تاعي لقديمه
حراير بلادي
فرشت لقماس و حطيت لاوات تاعي و قلبت علي الطرف الثاني
حراير بلادي
راح تعدلي الزوائد بالمقص و تخلي زوج سم من لقماش بعيد على لاوات
حق لخياطه
حراير بلادي
من بعد تبداي تفيكسي بالنقاقب على الحواف و في النصف
من حسن حظي ان لقماش لي خيرتو فيه الموتيف مربعات يعني
مطراسي من عندهم ههه
نتي ارسمي الموتيف لي بغيتي مقروطات او ماطلاسي. باش نخيطو و نثبتو لاوات مع لكتان
هيا نخرجو نخيطوه علابالكم ختكم منفيه في الحوش حراير بلادي
انا بدلت رجل المشينه تساعدني الرقيقه تمشي مليح
لعريضه تثقلني هي منطقيا خميلها تلقايها صح
حراير بلادي
لي مشينتها خفيفه غير ما جربش خاطر راح تهلكها
و تعشي تدعي عليا حراير بلادي
لازم نبداو بالحواف نبعدو قيمه خس صباع على الحافه و نبداو نخيطو ساير داير
حراير بلادي
لازم تتحكمي فيها كي جي تخيطي في الوسط
المكان ضيق تاع المشينه اذن راح تبرميها و تثبتيها بيدك و اليد لوخرى تجبد للخلف
حراير بلادي
خلصنا لداخل نروحو نقفلوها على الحواف بهاذ الطريقه
حراير بلادي
كاينه طريقه اخرى تخليه ميش مكفف و تفوتي عليه بيي سبيسيال كوات
و كاين طريقه اخرى مختلفه من الاول تخيطي الكوات كيما لمخده و تقلبيها
و تحشي فيها لاوات انا ماساعدتنيش الطريقه تكركبتلي. و ماقدرتش نتحكم فيها حراير بلادي
خلاص انهينا
ضك تنقيها من الخيوط و النقاقب
حراير بلادي
هاي الكوات متغطيه بيها ههههه لالا وريتهالكم برك في الليل نتغطى بيها
حراير بلادي
هيا ديرو نتوما ليكم و لولادكم كاين لقماش تاع بنات هيلو كيتي و تاع الذراري
سبيدرمان و بين تان الله الله
و تقدري تخدمي بساط صغير تقعدي عليه
. اتقلشي خليك من المشري كون يسمعوني لي يبيعو فيها
يقولولي الاقتصاد حابس و نتي زدتي علينا حراير بلادي
يااااريت وحده طبقها و تدعيلي
حراير بلادي