° قَلبْ اللوز لفآرس جيدي خيْر من إنتآع برآ بــ 10 مرة °

حراير بلادي
اليومْ حبيتْ نشآركُم بوصفــة جربتهآ هد الاسبوع إنتاع قلب اللوز لفارس جيدي شفتها في سميرة وعجبتني وقلت نجربها وهي تقريبآ مشابهة لنتآع الاخت ليليآ30 وجآت هبآل ومساوية في السكر وبنتها هبال على ضمآنتي جربوهآ وردولي بالخبر أحسن من نتاع برآ المهم منطولش عليكم تفضلوا الوصفة للاسف مصورتش الخطوات محسبتهاش تجي مليحة هاك بصح سهلة وبمقادير بسيطة تفصلوآ حراير بلادي
حراير بلادي

* المـــقآديـــــر :
- 6 كيلآت دشيشـــة إنتاع قلب اللوة ماشي الغليطـــة تكون متوسطـــة وهدا على سب البلا انتاعك
- 3 كيلات سكر
- كيلة لبن
- كيلة ماء الزهر
- كيلة زيت
- والشاربات ديري 6 كيلات ماء مع 3 كيلات سكر وقطرات ليمون وخليها كي تبدي تغلي حسبيلها 15 د طفي وزيدها كاس ماء الزهر
* طريقة التحضير :
ديري الدشيشة وزيديلها السكر زدخليهم في بعضهم مليح وممبعد زيدي الزيت ودخلي كامل هديك الدشيشة مع السكر فيه وممبعد زيدي اللبن وحاولي تواصلي بنفس الطريقة وتدخلي الدشيشة في اللبن وزيدي ماء الزهر راح تجيك مطلوقة (سايحة ) نورمال وحكمي دوبي الزبدة ودهني البلا انتاعك بيها وحطي الخليط ومتضغطيش عليه وحاولي تسرحيه بظهر ملعقة والتزيين انتي ودوقك انا درت كاوكاو ودخليه لفرن مسخن من قبل نقصي لفوقاني والتحتاني خليه على نار متوسطة باه يجي طياب لفوقاني مع التحتاني كيف كيف ومين تتخمر خرجيها وشربيها مليح وعاودي دخليها للفرن مدة دقيقتين لا اكثر ونحيها وخليها تبات من الاحسن والله بنة ولااا اروع تفصلو بعض الصور بعد ماطابت

حراير بلادي

- هدآ الكآس لي كيلت بيه :
حراير بلادي
حراير بلادي
حراير بلادي
حراير بلادي
حراير بلادي
حراير بلادي
حراير بلادي
حراير بلادي

حراير بلادي

أسفــة على قلــة الصور إن شاءء الله قدرت نوصلكم الفكرة والله غير طبقوها في هدا شهر رمضان روعـــــة حقآآ دآرنا مآمنوش بلي مخدومــة في الدآر ياك يقولك خسارة العجين ولا خسارة اليدين حراير بلادي إنتوما جربوها وردولي بالخبر حراير بلادي

- تقبلوا مروري * نور الهدى *
حراير بلادي


يعطيك الصحة أختي لكن هي نفسها انتاع ليليا و صورتها ام اماني بالخطوات و اليوم فقط عملتها و خرجت تهببببل و لكن بالتشيشة الخشينة بارك الله فيك



اقتباس:
المشاركة الأصلية كتبت بواسطة ام الهضاب حراير بلادي
يعطيك الصحة أختي لكن هي نفسها انتاع ليليا و صورتها ام اماني بالخطوات و اليوم فقط عملتها و خرجت تهببببل و لكن بالتشيشة الخشينة بارك الله فيك
بوركت على الرد ،،
إيه قلت تشبهلها في بعض الخطوات وهي مقاديرها سهلة وزيد متخليهاش نصف ساعة كيما انتاع ليليا وبالاضافة تجي سايحة مين تديرها في البلا ماشي كيما انتاع ليليا لاني جربتها وعجينتها تجي متمسكة برك ماشي سايحة
نورتي موضوعي


merci okhti ....raki sure 3 kilate sucre parceke j demander et on ma dit 4 ?



اقتباس:
المشاركة الأصلية كتبت بواسطة naouma05 حراير بلادي
merci okhti ....raki sure 3 kilate sucre parceke j demander et on ma dit 4 ?
أهلا أختي في الوصفــة إنتاع فآرس داير 4كيلات بصح أتا حبيت 3 برك باه تجي مساوية في السكر ومتجيش حلوة بزاااف
نورتي الموضوع


يعطيك الصحة
اختي لاكان عندك رابط الفديو الخاص بالوصفة في youtub



بارك الله فيك



يعيطك الصحة ولكن اعتقد انو هو حط 4 كيلات سكر في العجين راني مسجلتها



اقتباس:
المشاركة الأصلية كتبت بواسطة idron0 حراير بلادي
يعطيك الصحة
اختي لاكان عندك رابط الفديو الخاص بالوصفة في youtub

http://www.youtube.com/watch?v=Lzvizv_3Jcc


allah atik essaha bravooooo



يعطيك الصحة
يعني ماخليتيهاش ترتاح خلاص ؟وجدتيها وطيبتيها طول وماتخرجش معجنة؟



4444444444444444444444444444'''



بارك الله فيك اختي راكي سهلتيها خلاص عندي مدة و انا حابة انجربها و ماعنديش الكوراج خفت تخسرلي.....لكن عندي سؤال الدشيشة هي السميد الخشن؟؟؟؟ من فضلك جاوبيني,,,,,راني حابة اندير كوراج و انجربها



حراير بلادي



بصحتكم خرجلك هاااااايل