اوملات البطاطا و الجلبانية مع الجبن جديدة و حصرية من مبطخي

حراير بلادي السلام عليكم و رحمة الله تعالى و بركاته حراير بلادي عل موضوعاتي ان شاء الله اضع لكم كل جديدي و كل ما يدور في مبطخي ... حراير بلادي اما وصفتي لليوم حضرتها فقط في العشاء و تاع الدار ماتوا عليها و تجي حلوة بزاف خاصة اذا كانت الجلبانة مليحة
ما نطولش عليكم ننصحكم تجربوها و ترودولي الخبر .
المقادير لاوملات واحدة
2 حبات بطاطا
كاس و نصف من الجلبانة
3 بيضات و معدنوس و بهارات ملح كمون و فلف اسود
قطع من الجبن ...
تقشري البطاطا تقطيعيها مكعبات صغيرة تقليها تخليها على جنب
تفوي الجلبانة و لا تغليها . من بعد كي الطيب خلطيها على البطاطا حطيها في مقلاة سويها على شكل دائرة رشي عليها قطع الجبن بعد ذلك تكوني قد اخلطتي البيضات مع المعدنوس و البهارات اضيفيها فوقها و قلبيها على الجهتين حتى تحمار ... والله غير جاتني حلوة ....

لكل من عجبته الوصفة يدعيلي بالنجاح ان شاء الله ....... اختكم لمياء



بارك الله فيك اختي طبق يشهي فعلا



بارك الله فيك اختي لمياء
بالنجاح و التوفيق ان شاء الله
الوصفة روعة للذين يحبون الجلبانة أما انا احيانا أعملها بالبصلة و المعدنوس و الفرماج و الحليب



بارك الله فيك اختي



شكراااااااااااا لك ربي ينجحك ويعطيك ما تتمناي



السلام عليكم اهلا اخواتي الله يخليكم فرحتوني والله .......
اختي ramadana تتكرمي يا قمر لو تحطي وصفة الجلبانة مع البصل المعدنوس و الحليب حابة نعرفها ... انتظرك تقبلي مروري



مشكووووووووووووووووووة شهيتينا



بارك الله فيك وربي ينجحك ختي



درتها البارح عشاء مع شلاظة والله غير جات هايلة يعطيك الصحة على الكيفية



يعطيك الصحة جي روعة خفيفة مع فصل هذا